Инчхон-2014. Қазақстандық спортшылар винтовкадан оқ ату жарысында қола медаль иеленді
Бүгін Инчхондағы Азия ойындарында ерлер арасында винтовкадан оқ ату жарысы аяқталды.
50 метр қашықтықтан жатып ату жарысының командалық сайысында қытайлық команда «алтын», Оңтүстік Корея спортшылары «күміс» алды. Ал Қазақстан құрамасының ерлер командасы (Юрий Юрков, Игорь Пирекеев пен Ратмир Миндияров) Азия ойындарының қола жүлдегері атанды.
Оқ ату. Командалық жарыс. 50 метр. Ерлер. Жатып ату жарысы. Азия ойындары. Инчхон (Оңтүстік Корея)
1. Қытай — 1876,0
2. Оңтүстік Корея — 1869,0
3. Қазақстан — 1859,0.
Фото: sk-cska.kz
