Рио Олимпиадасына болжам жасап, «Kazsport»-тың сыйлығын ұтып ал!
«Қазақстан» және «Kazsport» телеарналары Рио-де-Жанейрода өтетін XXXI Жазғы Олимпиада ойындары қарсаңында спорт жанкүйерлері арасында байқау ұйымдастырады.
Байқау шарты бойынша, Олимпиада қорытындысына дұрыс болжам жасаған интернет қолданушысына арнайы сыйлық табысталмақ. Жазғы ойындарда Қазақстан құрамасының қанша медаль алатынын, оның ішінде алтын, күміс, қола медальдардың санын дәл болжап берген адам естелік бағалы сыйлыққа ие болады.
Ал, нақты қай спортшының жеңіспен оралатынын дәл болжап, жіберсеңіз, Олимпиада өтетін Рио-де-Жанейро қаласынан арнайы әкелінген кәдесыйға ие боласыз. Сонымен қатар, «Kazsport» телеарнасы жаңалықтар шығарылымының басты кейіпкері атанасыз.
Өз болжамыңызды rio@kaztrk.kz электронды мекенжайына жолдаңыз. Жеңімпазға жүлдені «Kazsport» телеаранасының бас редакторы Индира Бектенова табыстайды.
Естеріңізге саламыз, биылғы Жазғы Олимпиада ойындарында ел намысын 26 спорт түрі бойынша 104 спортшы қорғайды. Қазақстандық жанкүйерлер жарыстарды «Қазақстан» және «Kazsport» арналарынан тамашалай алады.
Сондай-ақ, kaztrk.kz және kazsporttv.kz сайттарында Олимпиада барысынан мәліметтер таратуға арналған арнайы айдар ашылды. Барлық материалдарды әлеуметтік желілерден #riokazrtk хэштегі арқылы таба аласыздар.
