19-20 қарашадағы футболдан Испания чемпионатының кездесулерін тікелей эфирде тамашалаңыздар

19-22 қарашада футболдан Испания чемпионатының 12-ші туры өтеді. Испан біріншілігінің 4 кездесуін «Kazsport» телеарнасынан тікелей эфирде көре аласыздар.

Хорхе Сампаоли бастаған «Севилья» футбол клубы Ла-Коруньяда жергілікті «Депортивомен» ойнайды.

Ал, Мадридте екі азулы қарсылас кездеседі. Диего Симеоне шәкірттері біріншілікте көш бастап келе жатқан «Корольдік клубқа» қарсы тұрмақ. Ойын «Атлетиконың» «Висенте Кальдерон» стадионында өтеді. Бірақ, бұл алаң иелеріне ешқандай жеңілдік бермесі анық. Екі футбол гиганты шайқасатын бұл «Мадридтік дербиді» «Kazsport» телеарнасынан тікелей эфирде қарашаның 19-ынан 20-сына ауған түні сағат  01:45 көре аласыздар.

20 қараша күні «Барселона» - «Малага» кездесуінің жазба нұсқасын көре аласыздар.

Қарашаның 20-сынан 21-іне ауған түні басктік «Атлетик» өз алаңында «Вильярреалды» қабылдайды.

19 қараша

17:55 Депортиво - Севилья LIVE

01:45 Атлетико - Реал Мадрид LIVE

20 қараша

13:35 Барселона - Малага

01:40 Атлетик - Вильярреал LIVE

Әлемнің ең мықты футболшыларының бәсекелестігін өткізіп алмаңыздар!