Қасым-Жомарт Тоқаев Елдос Сметовті жүлдесімен құттықтады
ҚР Парламенті Сенатының төрағасы Қасым-Жомарт Тоқаев өзінің Твиттердегі парақшасында Рио Олимпиадасының күміс жүлдегері Елдос Сметовті жеңісімен құттықтады.
«Әлем чемпионы Елдос Сметовті Олимпиада күміс медалін жеңіп алуымен құттықтаймын. Жақсы нәтиже!» - деп жазады ол.
Айта кетейік, қазақстандық дзюдошы, 60 келі салмақ санатындағы Елдос Сметов Рио-де-Жанейродағы Олимпиада ойындарының күміс жүлдегері атанды.
Ол финалда ресейлік палуан Беслан Мудрановпен белдесіп, негізгі уақытта тең дәрежеде өнер көрсетті. Өкінішке қарай қосымша уақыттың соңғы секундтарында ресейлік спортшы айласын асырып кетті.
Елдостың бұл жүлдесі Олимпиаданың алғашқы күні Қазақстан қоржынына түскен екінші медаль. Алғашқы жүлдені дзюдодан әйелдер арасында сынға түскен 48 келі салмақтағы аруымыз Галбадрах Отгонцэцэг еншілеген болатын.
