Мадридтік дерби «Kazsport» телеарнасында
8 сәуірде футболдан Испания біріншілігінің 31-турында Зинедин Зидан жаттықтыратын «Реал Мадрид» өз алаңында мадридтік «Атлетикоға» қарсы кездесу өткізеді. Екі мадридтік клуб арасындағы дербиді «Kazsport» телеарнасы тікелей эфирде көрсетеді. Көрсетілімнің басталуы 20:10-да.
1906 жылдан бастау алатын бұл тай-таластың тарихы өзара 277 кездесуден тұрады: 146 рет «корольдік клуб» басым түссе, 69 ойында «Атлетико» жеңіске жетіп, 62 матчта тең есеп тіркелген.
Бұл екі футбол алыптарының арасындағы соңғы кездесу 19 қараша күні «Висенте Кальдерон» стадионында өтіп, мадридтік «Реалдың» «Атлетиконы» 0:3 есебімен ойсырата жеңуімен аяқталды. Дәл осы ойын «Kazsport» телеарнасында тікелей эфирде көрсетілген Ла Лига ойындарының алғашқысы болды.
«Kazsport» телеарнасынан екі мадридтік команда арасындағы дербиді өткізіп алмаңыздар!
