Америкалық жүзгіш Лохтені Рио-де-Жанейрода тонап кетті
Рио Олимпиадасында 4х200 метр кешенді жүзу эстафетасында алтын медаль иеленген америкалық жүзгіш Райан Лохтені Рио-де-Жанейро қаласында тонап кетті, - деп хабарлайды The Washington Post спортшының анасына сілтеме жасай отырып.
Бразилиялық жүзгіш Тьяго Перейра өкілінің айтуынша, Лохте таксиде отырғанда, оны тоқтатып, тонап кеткен.
Бұның алдында Олимпиада ойындарының ұйымдастыру комитетінің өкілі Лохтемен байланысты оқиға орын алғанын, алайда спортшы оқиғаның егжей-тегжейін айтпағанын мәлімдеген еді.
Айта кетсек, бұған дейін Рио-де-Жанейрода өтіп жатқан Олимпиада ойындарында ресейлік жүзгіш Евгений Коротышкинті тонап кеткен еді. Сонымен қатар, белгісіз біреулер бельгиялық дзюдошы Дирк ван Тихлтті ұрып-соққан еді.
