Алмат Кебіспаев бірінші жұбаныш белдесуде жеңіске жетті (ВИДЕО)
Қазақстандық грек-рим күресінің шебері Алмат Кебіспаев Рио Олимпиадасында қола жүлде үшін бірінші жұбаныш белдесуді өткізді. 59 келіге дейінгі салмақта күресетін отандасымыз ирандық Мұхаммед Сорян Хамидтен басым түсті.
Жұбаныш кезеңі аясындағы алғашқы белдесуде Кебіспаев 2012 жылғы Олимпиада ойындарының чемпионы және алты дүркін Әлем чемпионы Хамид Сорианды жеңді.
Айта кетсек, 1/8 финалда отандасымыз жапондық Шинобу Отаға 0:6 есебімен жеңілген еді. Ота жарыстың ақтық сынына шыққан соң, қазақстандық палуан Олимпиаданың қола жүлдесіне таласу мүмкіндігіне ие болды. Енді ол тағы екі жекпе-жекте жеңіске жетуі тиіс.
