Алматылық жанкүйерлер әуежайдан Олимпиада жүлдегерлері Елдос Сметов пен Отгонцэцэг Галбадрахты күтіп алды (ФОТО)
Алматылық жанкүйерлер әуежайдан Рио-де-Жанейро Олимпиадасының жүлдегерлері - дзюдошылар Елдос Сметов пен Отгонцэцэг Галбадрахты күтіп алды.
Олардың арасында спортшылардың туған-туыстары мен достары және жанкүйерлер бар.
Естеріңізге сала кетсек, 60 келіге дейінгі салмақта белдесетін жерлесіміз Елдос Сметов XXXI Жазғы ойындардан күміс жүлдемен оралды.
48 келі салмақта бақ сынаған отандасымыз Отгонцэцэг Галбадрах Қазақстан қоржынына алғашқы медальды салған еді. Дзюдошы үшінші орын үшін таласта кубалық Дайарис Местре Альваресті жеңді.
