Әділбек Ниязымбетов Рио Олимпиадасының жартылай финалына өтті
Бүгін бокстан Рио Олимпиадасында қазақстандық былғары қолғап шебері Әділбек Ниязымбетов азербайжандық Теймур Маммадовмен кездесті. Нәтижесінде жерлесіміз айқын жеңіске жетті.
Ширекфиналдық жекпе-жекте Ниязымбетов Азербайжан спортшысын 3:0 (30-27, 30-27, 30-27) есебімен ұтты.
Бірінші раундты сенімді жеңген Ниязымбетов екінші раундта да қарсыласынан басым болды. Жекпе-жектің шешуші раундында да азербайжандық боксшы Ниязымбетовке аса қатты қарсылық көрсете алмады.
Енді қазақстандық боксшы 17 тамыз күні ұлыбританиялық Джошуа Буатсимен финал жолдамасын сарапқа салады.
