Велошабандоз Артем Захаров Рио олимпиадасында үздік ондыққа енді
Рио-де-Жанейрода өтіп жатқан Жазғы Олимпиада ойындарында велотрек бойынша омниум (көпсайыс) жарысы аяқталды.
Спорттың бұл түрінен ел намысын Ұлттық құрама көшбасшысы Артем Захаров қорғады.
Екі күнге созылған жарыста жерлесіміз жалпы есепте үздік ондыққа енді. Отандасымыз 6 сайыс қорытындысы бойынша 111 ұпай жинады.
Италиялық Элиа Вивиани Олимпиада ойындарының чемпионы атанса, ұлыбританиялық Марк Кавендиш екінші орынды иеленді. Даниялық велошабандоз Лассе Норман Хансеге үшінші жүлде бұйырды.
