«Kazsport» ұйымдастырған спорт жанкүйерлері арасындағы байқаудың алдын-ала нәтижелері

XXXI Жазғы Олимпиада ойындары қарсаңында «Қазақстан» және «Kazsport» телеарналары ұйымдастырған спорт жанкүйерлері арасындағы байқаудың  алдын-ала нәтижелерін ұсынамыз.   

Бүгінге дейін арнайы ашылған электронды мекенжайға келіп түскен хаттар саны 182-ге жетті. Бұған дейінгі болжамдардан бөлек ақпараттарды ұсынсақ, хат иелерінің көпшілігі ақтық сынға және жартылай финалға өткен боксшылар Данияр Елеусінов, Әділбек Ниязымбетов және Иван Дычконы алтын медальға ие болады деп болжаған.

Таэквондошы Айнұр Есбергенова мен еркін күрестен сынға түсетін Ғалымжан Өсербаев пен Нұрислам Санаевқада үміт артып отырғандардың саны басым.

Жалпы, байқау қатысушыларының көпшілігі Ұлттық құрама елге кем дегенде екі алтынмен оралатынын айтуда.

Естеріңізге салсақ, ережеге сәйкес, XXXI Жазғы ойындарда қазақстандық спортшылардың қанша медаль алатынын, оның ішінде алтын, күміс, қола жүлделердің санын дәл болжап берген қатысушы естелік бағалы сыйлыққа ие болады.

Ал, нақты қай спортшының жеңіс тұғырынан көрінетінін дәл болжаған жанкүйер Рио-де-Жанейро қаласынан арнайы әкелінген кәдесыйға ие болады. Сонымен қатар, «Kazsport» телеарнасы жаңалықтар шығарылымының басты кейіпкері атану мүмкіндігіне ие болады.

Жауаптар қабылдау тоқтатылды. Жеңімпаздың есімі kaztrk.kz порталында 22 тамызда жарияланады. Жаңалықтардан хабардар болып жүріңіздер.