Гюзель Манюрова Рио Олимпиадасында күміс жүлде алды (ВИДЕО)
Қазақстандық Гюзель Манюрова әйелдер арасындағы күрестен Олимпиада ойындарының күміс медалін иеленді.
75 келіге дейінгі салмақ дәрежесі бойынша финалдық белдесуде 38 жастағы отандасымыз канадалық Эрика Уибемен кездесті. Жекпе-жектің алғашқы кезеңінде жерлесіміз шабуылдау кезінде қарсыластың әдісіне түсіп қалды.
Осылайша, бірінші үшминуттықта 27 жастағы канадалық 2 ұпаймен алға шықты. Келесі кезеңде Уибе басымдық танытып, ұпай санын арттыра түсті. Қорытынды есеп 6:0.
Айта кетейік, қазіргі таңда Қазақстан қоржынында жалпы саны 15 медаль бар. Оның 3-уі алтын, 5-уі күміс және қалған жетеуі қола. Медальдар тізімі бойынша Қазақстан жалпыкомандалық есепте 20-ші орында тұр.
