Нұрислам Санаев «қола» үшін болған белдесуде жеңіліп қалды
57 келіге дейінгі салмақ дәрежесінде белдесетін қазақстандық еркін күрес шебері Нұрислам Санаев Рио-де-Жанейрода өтіп жатқан Олимпиада ойындарында жүлде иелене алмады.
«Қола» медаль үшін болған кездесуде қазақстандық палуанның қарсыласы екі дүркін әлем чемпионы азербайжандық Гаджи Алиев болды.
Аталған жекпе-жек 10:8 есебімен Алиевтің пайдасына шешілді. Нәтижесінде азербайжандық спортшы қола медаль жеңді.
