Рио Олимпиадасының көркем гимнастика жарысында Сабина Әшірбаева ақтық сынға өте алмады (ВИДЕО)
Рио-де-Жанейрода өтіп жатқан Олимпиада ойындарында көркем гимнастика бойынша жекелей көпсайыс жарысы аяқталды. Нәтижесінде отандасымыз ақтық сынға жолдама ала алмады.
Байрақты бәсекеде аталған спорт түрінен ел намысын Сабина Әшірбаева қорғады. Сайыстың алғашқы екі жаттығуында (доп пен шеңбер) жерлесіміз 34,466 ұпай жинап, 15-ші орынға тұрақтаса, соңғы екі жаттығуда (лента мен ұршық) 34,766 ұпай жинады.
Осылайша 17 жастағы бойжеткен 69,232 ұпаймен, жалпы есепте 12-орыннан көрінді.
