Усэйн Болт признан легкоатлетом года
Усейн Болт - Жеңіл атлетика федерацияларының Халықаралық қауымдастығының (IAAF) нұсқасы бойынша жыл үздігі деп танылды. Ямайкалық желаяқ бұл маусымда өз жетістіктеріне Мәскеуде өткен жеңіл атлетикадан Әлем чемпионатының үш алтынын қосты. Ол 100 және 200 метрге жүгіруден алдына жан салмады. 4х100 метрлік қашықтықтағы эстафетада да жеңіске жетті.
Бұған дейін ямайкалық спортшы 2008, 2009, 2011 және 2012 жылдары «Жыл үздігі» атанған.
Әйелдер арасынан бұл атаққа тағы бір ямайкалық желаяқ Шелли-Энн Фрейзер-Прайс лайық деп танылды. Фрейзер-Прайс Мәскеуде өткен Әлем чемпионатында үш алтын олжалады.
