WSB. Список соперников «Astana Arlans»
6 желтоқсанда Алматыда «Astana Arlans» Дүниежүзілік бокс сериясы аясында мексикалық боксшыларды қабылдайды. «Арландардың» бас бапкері Сергей Корчинский кеше шаршы алаңға көтерілетін боксшылардың тізімін жария еткен еді. Бүгін «Mexico Guerreros» командасы Алматыға келетін боксшылардың есімдерін атады.
Атап айтсақ, 49 келіде Мардан Берікбаевтің қарсыласы – Хосе Альберто Салета Рейес. 56 келіде Мейірболат Тойытов Серхио Чирино Санчеспен қолғап түйстіреді. 64 келіде Жәнібек Әжібай алғашқы жекпе-жегін Кристиан Биелмамен өткізеді. 75 келіде Сергей Деревянченкоға Диего де Хесус Морено Амадор сынақ тапсырады. 91 келіге дейін шаршы алаңға Василий Левит пен Кристиан Демаж көтеріледі.
Естеріңізге сала кетейік, «Astana Arlans» екі кездесуде жеңіске жетті. Алдымен «Baku Fires» командасын 4:1 есебімен ұтса, кейін «Russian Boxing Team» командасынан 3:2 есебімен басым түсті.
Ал «Mexico Guerreros» -тың бұл маусымдп әзірге бірде-бір боксшысы жеңіске жеткен жоқ. Олар кубалықтар мен әзірбайжандық боксшылардан 0:5 есебімен ойсырай ұтылды.
