Геннадий Головкин объявлен «Боксером 2013 года»
Boxing 101 порталы жылдың үздік боксшысы атағына қазақстандық боксшы лайықты деп тапты. Бұл атақтан кіші Флойд Мэйвезер, Мигель Гарсия, Дэнни Гарсия, Тимоти Брэдли, Сергей Ковалев, Адонис Стивенсон және Гильермо Ригондо үмітті болған еді. Алайда, қазақстандық боксшы биыл мықты қарсыластарымен қолғап түйістіріп, айқын жеңіске жетті, дейді авторлар.
2013 жылы Геннадий Головкин төрт жекпе-жек өткізіп, барлығын мерзімінен бұрын аяқтады. Ол америкалық Габриэл Росадо, жапон Нобухиро Ишида, британдық Мэттью Маклин және тағы бір АҚШ боксшысы Кертис Стивенсті нокаутпен жеңді.. Ишида мен Маклин үш раунд шыдаса, Росадо жетінші раундта техникалық нокаутпен жеңілді. Ал Стивенс сегізінші раундта жекпе-жектен бас тартты.
Сонымен қатар, Головкин WorldBoxingNews.net порталының нұсқасы бойынша жыл боксшысы атағынан үміткер. Бокс тақырыбында қалам тербейтін америкалық журналистер қауымдастығы (BWAA) да «Жыл боксшысы – 2013» үміткерлер тізіміне қазақстандық боксшыны қосты.
