Көркем гимнастикадан Қазақстан командасы Азия чемпионатына қатысады
18-24 маусым аралығында Тайландтың Паттая қаласында көркем гимнастикадан Азия чемпионаты өтеді.
Азия чемпионатының жекелей сынында Қазақстан атынан Адиля Тілекенова, Даяна Әбдірбекова, Роза Абитова және Айдана Шәкенова өнер көрсетеді.
Ал топтық жаттығуда Джессика Будник, Регина Сұлтанова, Даяна Жақыпова, Жанерке Дәулетқұлова, Дария Шарафиденова және Сағина Мұратқызы бақ сынайды.
Көркем гимнастикадан Қазақстан құрамасының бас бапкері - Әлия Юсупова.
