УЕФА Чемпиондар лигасының 1/8 финалына шыққан алғашқы командалар белгілі болды

УЕФА Чемпиондар лигасының 1/8 финалына шыққан алғашқы командалар белгілі болды. Кәрі құрлықтың басты бәсекесі аясында бақ сынап жатқан 32 команданың ішінен 12 ұжым топтық кезеңнен сүрінбей өтті.

Чемпиондар лигасының өткен турында төрт ойында төрт жеңіске жеткен «Барселона» алғашқы болып топтан шыққан болатын. Бесінші тур қорытындысы бойынша каталондық клубтың артынан тағы 11 команда 1/8 финалға жолдама алды. «Реал», «Рома», «Бавария», «Аякс», «Ювентус», «Манчестер Юнайтед» және «Манчестер Сити», «Атлетико», «Порту», «Шальке», «Боруссия Дортмунд» чемпиондық атақ жолындағы бәсекелерін жалғастырады.

Осылайша, Чемпиондар лигасының плей-офф кезеңіне жолдама алатын қалған 3 команда соңғы турда анықталатын болады.

Естеріңізге сала кетейік, соңғы үш маусымдағы Еуропаның ең үздік клубы атағы мадридтік «Реал» командасының еншісінде кеткен болатын.

Фото: uefa.com