«Барыс» сырт алаңда «Металлургты» ұтты (ВИДЕО)

Астаналық «Барыс» Құрлықтық хоккей лигасы аясында сырт алаңда «Металлургты» 3:1 есебімен ұтты.

Ойынның алғашқы бөлігінде қос команда нәтижелі шабуылдармен көзге түспеді. Ал екінші периодта «Барыс» ойыншылары ойынды толығымен өз қолына алды. 6-шы және 11-шә минутта Маклюков пен Дицтің қос шайбасы елордалықтарды есепте алға шығарды. Үшінші кезеңде «Металлург» есепті қысқартты. Бір ойыншыға кем қалған қазақстандық клубтың қақпасын Чебисов дәл көздей білді. Алайда, матчтың соңғы минутында бос қақпаны көздеген Дастин Бойд ойынның нүктесін қойды.

Қорытынды есеп елордалықтардың пайдасына 3:1. Осылайша, «Барыс» Шығыс конференциясында үшінші орынға көтеріліп, Чернышов дивизионында «Авангардпен» ұпай теңестірді. 

Естеріңізге сала кетейк, «Барыс» командасы ҚХЛ плей-офф кезеңіне өткен турда жолдама алып қойған болатын.

Фото: ХК «Барыс»