Бокстан ерлер арасында жеті қазақстандық боксшы Азия чемпионатының жартылай финалына шықты
Таиландтың Бангкок қаласында бокстан Азия чемпионаты жалғасуда. Ерлер арасындағы ширек финалдық бәсекелерден соң жеті қазақстандық боксшы келесі кезеңге өтті.
Финал үшін шаршы алаңға шығатын боксшылар: Теміртас Жүсіпов (49 келі), Закир Сафиуллин (60 келі), Санатәлі Төлтаев (64 келі), Тұрсынбай Құлахмет (75 келі), Бек Нұрмағанбет (81 келі), Василий Левит (91 келі) және Қамшыбек Қоңқабаев (+91 келі).
Қайрат Ералиев (56 келі) пен Асыланбек Шымбергенов (69 келі) ширек финалда жарыс жолын аяқтады.
