"Барыс" канадалық шабуылшыны өз қатарына қосты
"Барыс" хоккей клубы канадалық шабуылшы Адам Хелевканы өз қатарына қосты. Ойыншы қазақстандық клубпен 2020 жылдың 30 сәуіріне дейін келесім-шартқа қол қойды.
23 жастағы канадалық ойыншы 2016-2018 жылдары "Сан-Хосе Шаркс" командасының фарм-клубында өнер көрсетсе, өткен маусымда АХЛ-дың "Туксон Роадраннерс" және "Милуоки Адмиралс" командалары сапында ойнаған. Хелевканың АХЛ-дағы көрсеткіші: 189 ойында 118 (44+74) ұпай.
