Андре Уорд: Сергей Ковалев - бұдан былай "Krusher" емес.
Андре Уорд: Сергей Ковалев - бұдан былай "Krusher" емес.
Әйгілі америкалық боксшы Андре Уорд Альварес пен Ковалев арасындағы жекпе-жекке қатысты өз ойын айтты
"Ковалевтың соққылары өте ауыр, алайда жеңіске жету үшін бұл жеткіліксіз. Ярдқа қарсы өткізген кездесуін тамашаладым. Жақсы өнер көрсетті, дегенмен, жасы келгені байқалады. Ковалев - өте талантты әрі қауіпті қарсылас, бірақ қазір ол - "Krusher" емес. Өте тартысты кездесу болары анық. Менің ойымша, кездесу соңында "Канело" жеңіске жетеді,"- деді америкалық боксшы.
Естеріңізге сала кетейік, Андре Уорд пен Сергей Ковалев кәсіпқой рингте екі рет кездесті. Қос жекпе-жекте де америкалық былғары қолғап шебері жеңіске жетті.
2 қараша күні Лас-Вегаста Сауль Альварес пен Сергей Ковалев шаршы алаңда кездеседі. Қос спортшы WBO чемпиондық белбеуін сарапқа салады. Отандасымыз Мейірім Нұрсұлтанов жұдырықтасатын бокс кешін 3 қараша күні сағат 06:25-тен бастап "QAZAQSTAN" және "QAZSPORT" телеарналарынан тікелей эфирде тамашалай аласыздар.
