Левандовский 15 минутта 4 гол соғып Чемпиондар лигасының рекордын жаңартты
«Баварияның» үздік шабуылшысы Роберт Левандовский Сербияның «Црвена Звезда» командасына қарсы ойында рекорд орнатты. Поляк шабуылшысы 15 минуттың ішінде 4 гол соғып, Чемпиондар лигасының рекордын жаңартты. Бұған дейін дәл осы рекорд өзіне тиесілі болды.
Қазіргі таңда Левандовский 10 голмен сұрмергендер көшін бастап келеді. Ол бұл маусымда Месси мен Роналдуға қарағанда көбірек допты қақпаға дәл бағыттаған. Шабуылшы 30 матчта 33 гол соғып үлгерді. Бавария сапында 27 гол, Польша құрамасы үшін 6 доп соққан.
Айта кетейік, «Бавария» Сербияның «Црвена Звезда» командасын 0:6 есебімен жеңді.
