Баскетбол Еуролигасы маусымның қалған бөлігін бір қалада өткізуі мүмкін
Баскетбол Еуролигасы маусымның қалған бөлігін бір қалада өткізу мүмкіндігін қарастыруда.
Басты шарт - таңдалатын қалада барлық талапқа сай келетін екі спорт кешені болуға тиіс. Мұндай стадиондар Стамбул, Афина және Мәскеу қалаларында бар.
«Ойыншылар, жаттықтырушылар мен қызметкерлердің клубтарына оралуына екі-үш күн беріледі. Содан кейін міндетті 14 күндік карантин енгізілмек. Барлық командалар дайын болғаннан кейін шамамен бір айға созылатын мини-турнир басталады. Спортшылардың денсаулығына кепілдік береді», - деді турнирдің атқарушы директоры Эдвард Скотт.
