Дэвис кубогінің финалдық кезеңіне қатысатын Қазақстан құрамасы анықталды

Дэвис кубогінің финалдық кезеңіне қатысатын Қазақстандық теннисшілер анықталды 

Ерлер құрамасының бас бапкері Юрий Щукин сенім артқан жігіттер:

Александр Бублик (әлемнің 34-ракеткасы),

Михаил Кукушкин (159-орын),

Дмитрий Попко (162-орын)

Андрей Голубев (жұптық сында 35-орын),

Александр Недовесов (жұптық сында 76-орын).

Қазақстан құрамасы В тобында Канада және Швеция теннисшілерімен сынға түседі. 27 қараша күні Швециямен, 28 қарашада Канадамен кездеседі.

Дэвис кубогының финалдық матчтары алғаш рет Инсбрук, Мадрид және Турин қалаларында бір мезгілде өтеді. Жарыста алты топқа бөлінген 18 команда бақ сынайды. Әр топтың жеңімпаздары мен екінші орын алғандар ішінен екі үздік құрама ширек финалға жолдама алады. Жартылай финалға өткендер жүлделі орындар үшін таласумен бірге 2022 жылдың финалдық кезеңіне қатысу құқығына да ие болады.

Дэвис кубогы 1900 жылдан бері жыл сайын өткізіліп келеді. Жеңістер бойынша АҚШ құрамасы (32 рет) алда тұр. Ал осыған дейінгі додада испаниялықтар үздік шыққан болатын.