ИГОРЬ ШАЦКИЙ - ҚҰРАЛБЕК ОРДАБАЕВ АТЫНДАҒЫ СЫЙЛЫҚТЫҢ АЛҒАШҚЫ ИЕГЕРІ
Қазақстанның кәсіпқой футбол лигасы өткен маусымды қортындылауды жалғастыруда. Өткен маусымның үздік қақпашысы болып, қарағандылық «Шахтердің» қақпасын күзететін Игорь Шацкий танылды. Маусымның үздік қақпашысы премьер лигаға қатысушы барлық команданың басшылары, бас бапкеррелері мен капитандарының дауыс беруі арқылы анықталды.
«Шахтер» капитаны осы маусымда «OLIMPBET Қазақстан Чемпионаты» аясында 14 ойын өткізіп, 6 ойында гол жібермеген. Сонымен қатар Конференция Лигасының іріктеу кезеңінде «Стяуа» және «Колос» футбол клубтарына қарсы ойында пенальти сериясында көзге түсті. Игорьдің еншісінде ҚР Кубогынде 5 ойын. Ел суперкубогын қосқанда осы маусымда 29 ойын өткізіп, қақпасына 33 гол жіберген. Алда Игорь Шацкийді OLIMPBET-Қазақстан Кубогының жартылай финалының қарымта ойыны күтіп тұр.
Ұлттық құрама сапындағы Босния және Финляндияға қарсы сенімді ойындары қарағандылық қақпашыны Құралбек Ордабаев атындағы сыйлықтың ең алғашқы иегері атағын алып келді.
