«Қайрат» элиталық кезеңді жеңіспен бастады

Алматылық «Қайрат» футзалдан Чемпиондар Лигасының элиталық кезеңін жеңіспен бастады. Кака шәкірттері Ресейдің Тюмень қаласында өтіп жатқан кезеңде Беларусьтің «Витэн» командасын 3:2 есебімен тізе бүктірді,

Ойында Беларусьтік команда бірінші болып есеп ашқанымен «Қайраттың» ойыншылары Савионың көмегімен жылдам есепті теңестіріп,

Альберт Ақбалықов қазақстандық клубты есепте алға шығарды.

«Витэн» командасы Павел Роговиктің дәл соққысымен есепті 2:2-ге жеткізді. 

Екінші жиырма минуттық барысында Шыңғыс Есенаманов «Қайраттың» жеңіс добын соқты. Есеп 3:2. Осылайша «Қайрат» элиталық кезеңді жеңіспен бастады. Бүгін алматылық команда франциялық «Аньер Вильнев» командасына қарсы Тюмень қаласындағы «Центральный» спорт кешенінде ойнайды. Ойынды «Qazsport» телеарнасының тікелей эфирінде көре аласыздар.