Чемпиондар Лигасының ойындары «Qazaqstan» және «Qazsport» телеарналарының эфирінен көрсетіледі

Чемпиондар Лигасының топтық кезеңі аяқталуға жақын. Осы аптапда кәрі құрлықтың үздік клубтары жиналған турнирдің соңғы тур ойындары өтеді. «В» тобында «Ливерпуль» мерзімінен бұрын плэй-офф кезеңіне шығып қойған. Бұл топтан келесі кезеңге берілетін тағы бір жолдама үшін «Милан», «Порту» және «Атлетико» футбол клубтары талас жүргізуде. «В» тобының ойындарын бүгін 01:50-де «Qazaqstan» және «Qazsport» телеарналарының тікелей эфирінен көре аласыздар.

«Порту» (Португалия) - «Атлетико» (Испания) - 01:50 «Qazsport» телеарнасында

«Милан» (Италия) - «Ливерпуль» (Англия) - 02:00 «Qazaqstan» ұлттық телеарнасында

Ертеңгі ойын күні «Qazsport» телеарнасында тікелей эфирде Н тобының қос көшбасшысының бірі лондондық «Челси» Санкт-Петербуртік «Зенит» футбол клубына қонаққа барады. Ойын Нұр-Сұлтан уақытымен 23:35-те басталады.

01:50-де «Qazsport» телеарнасының тікелей эфирінде италиялық «Аталанта» мен испаниялық «Вильярреал» арасындағы ойынды тамашалай аласыздар. Бұл ойынмен паралель «Qazaqstan» ұлттық арнасында мюнхендік «Бавария» мен «Барселона» арасындағы ойын жүреді.                     

Ойын Нұр-Сұлтан уақытымен сағат 02:00-де басталады.