Еуропа және Коференция Лигасы «Qazaqstan» және «Qazsport» телеарнасында

УЕФА Еуропа Лигасының жартылай финалдық ойыны аясында Франкфурт (Германия) қаласында жергілікті «Айнтрахт» Дэвид Мойес жаттықтыратын «Вест Хэм» футбол клубын қабылдайды. Лондонда өткен алғашқы ойын 3:2 есебімен неміс командасының пайдасына аяқталған. Матч бүгін сағат 00:50-де «Qazaqstan» ұлттық арнасының тікелей эфирінде көрсетіледі. Трансляция тізгінінде Еламан Әмірғазы және Ерсін Ерікұлы.

 Еуропа Лигасының финалы 18 мамыр күні Севилья қаласындағы «Рамон Санчес Писхуан» стадионында жоспарланған. Екінші жартылай финалдық жұп: «Лейпциг» (Германия) – «Рейнджерс» (Шотландия)

Конференция Лигасының жартылай финалдық ойыны Рим қаласында «Рома» және «Лестер» арасында өтеді. «Кинг Пауэр» стадионында өткен алғашқы ойында 1:1 есебі тіркелген болатын. Ойынды Нұр-Сұлтан уақыты бойынша сағат 00:50-де «Qazsport» телеарнасының тікелей эфирінен тамашалай аласыздар. Тікелей трансляция тізгінінде: Дәулет Сейітбеков және Дидар Қадыров.

 Жаңа турнирдің финалы 25 мамыр күні Тирана (Албания) қаласында өтеді. Екінші жартылай финалдық жұп: «Фейноорд» (Нидерланд) – «Марсель» (Франция)