Аустралия құрамасы Әлем Чемпионатына жолдама алды
Халықарлық іріктеу ойынының финалдық кезеңінде Аустралия және Перу құрамасы кездесіп, ойын соңындағы пенальти сериясынан жасыл құрлық өкілдері 5:4 есебімен жеңді.
Осылайша Аустралия құрамасы Катарда өтетін Әлем Чемпионатының 31-ші қатысушысы атанды. Жаһандық футбол додасында D тобында: Франция, Дания және Тунис құрамасына қарсы ойнайды.
Бүгін Әлем Чемпионатының соңғы 32-ші қатысушысы анықталады. Соңғы жолдаманы Жаңа Зеландия және Коста-Рика құрамасы сарапқа салады.
Грэм Арнольд шәкірттері қатарынан бесінші мәрте Әлем біріншілігіне жолдама алды. Ең алғаш рет 2006 жылы төрт жылда бір келетін футбол тойында өнер көрсеткен болатын.
