Головкин – Альварес арасындағы трилогия аяқталды
Лас-Вегас (Невада штаты, АҚШ) қаласындағы «T-Mobile» көпфункционалды кешенінде жылдың басты жекпе-жегі өз мәресіне жетті.
Жекпе-жек толық 12 раундқа созылып, ұпай санымен мексикалық боксшы жеңіске жетті. Осылайша, трилогия «Канелоның» жеңісімен аяқталды.
Естеріңізде болса, екі боксшының алғашқы жекпе-жегі 2017 жылы қыркүйек айында өтіп, тең нәтижемен аяқталған еді. Бір жылдан соң «GGG» - «Канело» екінші кездесу өткізіп. Төрешілердің басым көпшілігі жеңісті Альвареске берген.
Бірінші және екінші жекпе-жек жанкүйерлер мен спорт мамандарының қызу талқысына түскен болатын.
Головкин –Альварес жекпе-жегінің алдында Әли Ахмедов өнер көрсетіп, 10 раундтың қорытындысы бойынша жеңіп, WBC Silver және IBF North America нұсқасы бойынша чемпиондық атаққа қол жеткізді.
