Қазақстан құрамасы Әлем Чемпионатында екі жүлде жеңіп алды

Өзбекстан астанасы Ташкент қаласында 48 келіде ел намысын қорғаған Абиба Абужақынова және 60 келі салмақ дәрежесінде Елдос Сметов қола жүлдегер атанды.

Абиба жартылай финалға дейін жетіп, болашақ Әлем Чемпионы жапондық Натсуми Тсунодоға жеңіліп қалған болған болатын. Ал жапондық спортшы финалда германиялық  Катарина Менстен басым түскен болатын.

Әлем Чемпионаты. Әйелдер. 48 келі

1. Натсуми Тсунодо (Жапония)

2. Катарина Менс (Германия)

3. Абиба Абужақынова (Қазақстан)

3. Ассунта Скутто (Италия)

60 келідегі ерлер арасындағы бәсекеде Әлем Чемпионатының ширек финалына дейін жеткен Елдос, әлемдік рейтингтің көшбасшысы Янг Юнг Вейге голден скорде ұтылып, жұбаныш белдесуінде жеңіске жетті. Қола жүлде үшін таласта Елдос татами қожайыны Дильшодбек Баратовты жеңді.

Әлем Чемпионаты. Ерлер. 60 келі

1. Наохиса Такато (Жапония)

2. Ариунболд Енкхтайван (Моңғолия)

3. Янг Юнг Вей (Тайпей)

3. Елдос Сметов (Қазақстан)