Әбиба Әбужақынова - Гран-При жеңімпазы, Ғалия Тынбаева - күміс жүлдегер
Бүгін Португалияның Алмада қаласында дзюдодан Гран-При басталды. Тұңғыш рет Гран-При турнирінің тариxында екі қазақ дзюдошысы (48 келі) финалда күресті. Алтын үшін айқаста Әбиба Абужақынова тағы бір қазақстандық Ғалия Тынбаеваны ұтты.
Әбиба Абужақынова іріктеу кезеңінде аргентиналық Кейси Перафан мен сербиялық Андреа Стоядиновты жеңіп, жартылай финалға шыққан. Жартылай финалда тәжірибелі израильдік Шира Ришонидің жауырынын жерге тигізді.
Ғалия іріктеуде әуелі француз Мелани Вьені, сосын америкалық Мария Селия Лабордені, ширек финалда испан Лаура Мартинес Абеленданы голден-скорда ұтқан. Ал Ғалия Тынбаева жартылай финалда португалиялық Катарина Костаны жеңді.
Жарыстың алғашқы күні татамиге шыққан басқа дзюдошылар нәтижесі:
Ерлер арасында 60 келіге дейінгі салмақта Мағжан Шамшадин алғашқы кездесуде 18 жастағы жапониялық Ямато Фукудаға есеп жіберді. Осы салмақтағы Қанат Сейілхан үндістандық Виджай Кумар Ядавты ұтқанымен, екінші айналымда украиналық Артем Лесюкке есе жіберді.
Сондай-ақ Сұңғат Жұбатқан мен Айболат Ыстыбай (66 келі), Айгерім Әбілқадырова мен Толғанай Әбеуова (52 келі) іріктеу белдесуінде қарсыласына жол берді.
