Париждегі қос қола жүлде
Дзюдодан Париж қаласында өтіп жатқан Grand Slam турнирінің алғашқы күні ел қоржынына екі қола жүлде түсті.
48 келі салмақ дәрежесінде сынға түскен Абиба Абужақынова оңтүстік кореялық қарсыласын Golden Score-де жеңіп, жарыстың қола жүлдегері атанса, 2022 жылғы Азия Чемпионы Данияр Шамшаев канадалық Артур Маргелидоннан айласын асырып,алғаш рет Grand Slam турнирінің жүлдесін алды.
Алғашқы күні жарыс жолына шыққан: Ғалия Тынбаева (48 келі), Толғанай Әбеуова (52 келі), Айгерім Әбілқадырова (52 келі), Дана Әбдірова (57 келі), Бақыт Құсақбаева (57 келі), Нұрқанат Серікбаев (60 келі), Мағжан Шамшадин (60 келі), Ғұсман Қырғызбаев (66 келі), Есет Қуанов (66 келі), Жансай Смағұлов (73 келі) іріктеу белдесулерінде қарсыластарына есе жіберді.
