Шахматтан Қазақстан әйелдер құрамасы әлем чемпионатының күміс жүлдегері атанды
Шахматтан Қазақстан әйелдер құрамасы Польшаның Быдгощ қаласында өткен ІХ командалық әлем чемпионатында күміс жүлдеге ие болды.
Әлем біріншілігінде рейтингтегі үздік 12 команда екі топқа бөлініп, сайысқа түсті. Қазақстан ұлттық құрамасы А тобында өнер көрсетіп, топтық кезеңдегі қарсыластарының бәрінен басым түсті. Ширек финалда отандастарымыз Германия құрмасын жеңсе, жартылай финалда франциялық шахматшылардан мықты болды. Ал финалда Бибісара Асаубаева, Меруерт Камалиденова, Алуа Нұрманова мен Әмина Қайырбековадан жасақталған ұлттық құрама Грузия командасынан 0:2 есебімен жеңіліп, әлем чемпионатының күміс жүлдегері атанды.
Айта кетейік, Қазақстан шахматы тарихындағы ең үздік нәтиже. Бұған дейін ұлттық құраманың ең үздік нәтижесі әлем чемпионатының ширек финалы болған еді.
