Азиада 2022: Кезекті жарыс күнінің қорытындысы
Бүгін ХІХ Жазғы Азия ойындарының кезекті жарыс күнінде кураштан ерлер арасында 81 келіге дейінгі салмақ дәрежесінде ел намысын қорғаған Бекәділ Шаймерденов финалда өзбекстандық қарсыласына есе жіберіп, екінші орын алды. Бұл - Ханчжоудағы құрлықтық додада Қазақстан қоржынына түскен бесінші күміс жүлде.
Стенд атудың трап бағдарламасы бойынша командалық сынында ел намысын қорғаған Мария Дмитриенко, Айжан Досмағамбетова мен Анастасия Прилепина жазғы Азия ойындарының қола жүлдегері атанды
Тррап бағдарламасының жекелей жарысында да Мария Дмитриенко 34 ұпаймен үшінші орынға табан тіреді. Осылайша, Марина Азияданың екінші қола жүлдесін алды. Су добынан Қазақстан әйелдер құрамасы Өзбекстанды 16:8 есебімен жеңіп – ХІХ Жазғы Азия ойындарының қола жүлдесін еншіледі.
Бокстан, күндізгі сессияда жарыс жолына шыққан Наталья Богданова моңғолиялық спортшыны 5:0 есебімен жеңіп, Азия ойындарының жартылай финалына жолдама алды.
Сағындық Тоғамбай – Азия ойындарының қола жүлдегері атанды. 92 келі салмақта бақ сынаған Сағындық, қытайлық спортшыдан айласын асыра алмады.
57 келіде Әлем чемпионатының күміс жүлдегері Карина Ибрагимова моңғол спортшысын 5:0 есебімен жеңіп, жартылай финалға және Париж олимпиадасының жолдамасына ие болды.
Кешкі сессияда шаршы алаңға көтерілген Ертуған Зейнуллинов, Әлем Чемпионатының күміс жүлдегері Баатарсух Чинзоригтен жеңіліп, жарыс жолын ¼ финалда аяқтады.
