Қазақстан құрамасы - Еуропа чемпионатының ширек финалында
Футзалдан Еуропа чемпионатының топтық кезеңі өз мәресіне жетті. Барлық ширек финалдық жұптар белгілі. А тобының жеңімпазы 3 ойында ұпайдан шашау шығармаған Португалия құрамасы В тобының екінші командасы турнирдің дебютанттары Финляндия құрамасымен кездеседі. Айта кетейік, Пириней түбегінің өкіледері қазіргі Еуропа чемпиондары. В тобының жеңімпазы Қазақстан құрамасы мен А тобының екінші командасы Украина. Алғашқы ойыныда Украина құрамасы алаң иелері Нидерланд құрамасына жеңіліп, екінші турда Сербия ұлттық құрамасынан басым түсті. Шешуші тур кезінде португалиялықтарға есе жіберіп, доп айырмасы бойынша ширек финалға жолдама алды. С тобында Ресей және Словакия ширек финалға жолдама алса, D тобында Испания мен Грузия Еуропа чемпионтының ширек финалына шықты. Сонымен ширек финалға шыққан барлық құрамалар белгілі болды:
Португалия - Финляндия
Испания - Cловакия
Қазақстан - Украина
Ресей - Грузия
Барлық ширек финалдық ойындар 31 қаңтар күні өтеді. Еуропа чемпионатының барлық ойындарын «Qazsport» телеарнасынан тікелей эфирде көре аласыздар.
