Қазақстандық теннисшілер Истбурндағы турнирді сәтті бастады

Теннис маусымындаШөпте өтетін турнирлердің ең негізгісі «Уимблдон». Алайда турнирдің басталуына әлі 1 аптадай уақыт бар.

Истбурн қаласында басталған АТР және WTA 500 турниріне қатысып жатқан Александр Бублик және Юлия Путинцева алғашқы айналымнан сүрінбей өтті. 

Елер арасында Александр Бублик турнирдің жетінші ракеткасы АҚШ өкілі Фрэнсис Тиаффоны 5:7, 7:6, 6:0 есебімен жеңіп, келесі кезеңде аустралиялық Джон Миллманмен кездеседі.

Юлия Путинцева болса, Сара Соррибес-Тормоны 7:5, 6:1 есебімен тізе бүктіріп, келесі айналымда украиналық Ангелина Калининамен кездеседі. Украиналық теннисші өз кезегінде алғашқы айналымда турнирдің кішігірім сенсациясын жасап, Мария Саккариді (Грекия) 3:6, 7:5, 6:4 есебімен жеңген болатын.

Ал Қазақстанның бірінші ракеткасы Елена Рыбакина, алғашқы айналымнан ары аса алмады. Үш сеттің қорытындысы бойынша Леся Цуренкоға жеңіліп, (6:1, 5:7, 3:6) жарысты аяқтады.