АЛМАТЫДА ФУТЗАЛДАН СТУДЕНТТЕР АРАСЫНДА ӘЛЕМ ЧЕМПИОНАТЫ ӨТЕДІ
19-26 тамыз аралығында Алматы қаласы студенттер арасында футзалдан Әлем Чемпионатын қабылдайды.
ТМД аумағында алғаш рет өткізіліп отырған жарысқа 16 ерлер, 9 әйелдер командасы қатысады. Бұған дейін, студенттер арасында футзалдан Әлем Чемпионаты Бразилия, Португалия, Испания, Италия, Финляндия, Венгрия, Польша, Словения, Сербия және Кипр елдерінде ұйымдастырылды.
Чемпионаттың ойындары Алматы қаласындағы «Almaty Arena» және «Halyk Arena» спорт кешендерінде өтеді. Финал 26 тамыз күні «Almaty Arena» спорт кешеніне жоспарланған.
Дүбірлі доданы "QAZSPORT" арнасы тікелей эфирде көрсететін болады.
