Юлия Путинцева әлемнің бірінші ракеткасын жеңді
Қазақстандық теннисші Юлия Путинцева Ұлыбританияның Бирмингем қаласында өтіп жатқан WTA сериясындағы турнирдің 1/8 айналымында әлемнің бірінші ракеткасы Наоми Осаканы жеңді. Бір сағат тоғыз минутға созылған матчта отандасымыз 6:2, 6:3 есебімен басым түсті.
Наоми Осака осы жылдың қаңтар айынан бастап WTA рейтингінде бірінші сатыда келеді. Ширек финалда Юлия Путинцева германиялық теннисші Юлия Гергеспен кездеседі.
