Елена Рыбакина «Үлкен Дуылға» турнирінің екінші айналымында
Мельбурн қаласында «Australian Open» турнирі жалғасуда. Жарыстың екінші күні әлемнің 12-ші ракеткасы Елена Рыбакина 2 сағат 38 минутқа созылған тартысты кездесуде Зарина Диясты 6:7, 7:6, 6:1 есебімен жеңіске жетті. Отандасымыз келесі айналымда қытайлық Чжан Шуаймен кездеседі.
Ерлер арасында дебюттік кездесуін өткізген Тимофей Скатов словакиялық Норберт Гомбошке 3:6, 2:6, 6:1, 4:6 есебімен жол беріп, жарыс жолын аяқтады. Осылайша ерлер арасында Александр Бублик, әйелдер арасында Елена Рыбакина жарыс жолын жалғастырып жатыр.
