Латвия - Қазақстан. Үш ойында екі ұпай
Футболдан Қазақстан құрамасы УЕФА Ұлттар лигасы аясында Латвиямен кездесіп тең түсті.
Латвия астанасы Рига қаласында өткен бұл ойында қазақстандықтар алғашқы болып есеп ашты. Ойынның 16-шы минутында Бахтиер Зайнутдинов гол соқты. Алайда, латвиялық футболшылар үзіліске дейін таразы басын теңестірді. Гол авторы Артур Карашаускас.
УЕФА Ұлттар лигасының «D» тобында бақ сынап жатқан Қазақстан құрамасы әзірге үш ойында 2 ұпай жинады. Көш басында 9 ұпаймен Грузия құрамасы.
