Қазақстандық екі боксшы Әлем чемпионатының жартылай финалына шықты
Үндістанның Нью-Дели қаласында бокстан әйелдер арасындағы әлем чемпионаты жалғасуда. Қазақстан құрамасының екі спортшысы жартылай финалға шықты.
Ширек финалда Қазақстан сапынан бес боксшы жұдырықтасты. 81 келідегі Фариза Шолтай беларусь Виктория Кабикавадан жеңілсе, 64 келідегі Милана Сафронова мен аса ауыр салмақтағы Ләззат Күнгейбаева да жарыс жолын аяқтады.
Ал, Карина Ибрагимова мен Жайна Шекербекова қарсыластарынан басым түсіп, жүлдеге таласты жалғастыруда.
Фото: ҚР ҰОК
