Бүгін татамиге Гүлжан Исанова, Максим Раков пен Ержан Шынкеев шығады
Астанада дзюдодан Әлем чемпионаты жалғасуда. Бүгін жекелей сынның соңғы жарыс күні.
Әлемдік доданың жүлделері үшін 78 келіден жоғары салмақта әйелдер, сонымен қатар 100 келі және 100 келіден жоғары салмақта ерлер сынға түседі.
Қазақстанның әйелдер құрамасы атынан Гүлжан Исанова (+78 келі) шықса, ерлерімізден Максим Раков (-100 келі) пен Ержан Шынкеев (+100 келі) белдеседі.
Еске сала кетейік, үш салмақта өтетін іріктеу кездесулерін «KAZsport» телеарнасы сағат 10:30-да, ал «Қазақстан» Ұлттық телеарнасы финалдық жарысты сағат 16:30-да тікелей эфирде көрсетеді.
