«Алтай» волейбол клубы клубтар арасындағы Азия Чемпионатының финалына жолдама алды

Өскемендік «Алтай» волейбол клубы клубтар арасындағы Азия Чемпионатының финалына жолдама алды. Марко Гршич шәкірттері Семей қаласында өтіп жатқан жарыста мерзімінен бұрын финал қатысушысы атанды. Сана Анарқұлова бастаған волейболшылар төрт ойын өткізіп, барлығында жеңіске жетті.

Айта кетейік Семейде өтіп жатқан жарысқа өскемендік клубтан бөлек: «Diamond Food» (Тайланд), «Jizzakh State» (Өзбекстан), «Kyrgyzstan VC» (Қырғызстан), «Barij Essence» (Иран), және Петропавл қаласының «Қуаныш» волейбол клубы қатысып жатыр. Жарыстың төртінші күнінің нәтижелері төмендегідей:

«Diamond Food» (Тайланд) 3:0 «Kyrgyzstan VC»

«Barij Essence» (Иран) 0:3 «Altay VC» (Қазақстан)

«Kuanysh VC». (Қазақстан) 3:0 «Jizzakh State»

Ертеңгі жарыс күнінде келесі ойындар жоспарланған.

10:50. «Altay VC» (Қазақстан) - «Diamond Food» (Таиланд)

13:50. «Kyrgyzstan VC» (Қырғызстан) - «Jizzakh State» (Өзбекстан)

16:50. «Barij Essence» (Иран) - «Kuanysh VC» (Қазақстан)

* Ойындардың уақыты Нұр-Сұлтан уақытымен