Қазақстан велоспорт құрамасы Азия біріншілігінде топ жарды
Шосседегі велоспорттан Таиландтың Райгон қаласында өткен Азия чемпионатында Қазақстан құрамасы жалпы есепте бірінші орын алды.
Бір аптаға созылған бәсекеде Қазақстан құрамасы 15 жүлде (сегіз алтын, төрт күміс, үш қола) жеңіп алды. Жарыстың шешуші күні 156 шақырымға созылған ерлер арасындағы топтық жарыста Глеб Брусенский чемпион атанса, Евгений Гидич күміс жүлдегер атанды.
«Біз Олимпиадалық лицензиясына берілер қажетті ұпайды жинап, алға қойылған мақсаттарға қол жеткіздік. Азия чемпионатының қорытындысы бойынша, біз Париж Олимпиадасына бір лицензия жеңіп алдық. Бапкерлер мен спортшылардың жұмысын жоғары бағалаймын. Жарыс барысында қарсыластармен ғана емес, ыстық ауа-райымен де күресуге мәжбүр болдық. Дегенмен, біздік спортшылар - өз ісінің нағыз маманы» - деп, Қазақстан велоспорт федерациясының президенті Нұрлан Смағұлов өзінің қуанышымен бөлісті.
