Михал Билек - "Астананың" бас бапкері

"Астана" футбол клубының бас бапкері болып Қазақстан құрамасының бас жаттықтырушысы Михал Билек тағайындалды. Чехиялық маман 6 дүркін ел чемпиондары мен Ұлттық құраманы қатар жаттықтырады. Елордалық клуб 2018 жылдан бері жұмыс істеген украиналық маман Роман Григорчукпен қош айтысты. Ол  "Астанаға" Қазақстан Суперкубогі мен Қазақстан біріншілігінің "алтынын" алып берді. 

Бас бапкер Михал Билекке словакиялық Михал Хипп пен қазақстандық Нүркен Мазбаев көмектеседі. Қақпашыларды Николай Родионов жаттықтырады.