«Qazsport» телеарнасы волейболдан ерлер арасындағы Әлем Чемпионатын тікелей эфирде көрсетеді.

Волейболдан ерлер арасындағы ХХ Әлем Чемпионаты 26 тамыз – 11 қыркүйек аралығында Польша және Словенияда өтеді. Бастапқыда біріншілік Ресейде өтуі керек болатын. Бірақ, 2022 жылдың наурыз айында Халықаралық волейбол федерациясы жарыс басқа елде өтеді деген шешім шығарды. 

Чемпионат ережесі бойынша алғашқы топтық кезеңде өнер көрсететін 24 команда өзара ойын өткізіп, екінші топтық кезеңге 16 құрама жолдама алады. 

Бұл кезеңнен іріктелген 6 команда екі топқа бөлініп, үшінші топтық кезеңде ойнайды. Екі топтан үздік шыққан төрт команда жартылай финалға жолдама алады.