Канада құрамасы - жастар арасындағы Әлем Чемпионы

Гаоифакс және Монктон (Канада) қалаларында хоккейден жастар арасындағы Әлем Чемпионаты аяқталды. Финалдық ойында осы Әлем Чемпионатының басты сенсациясы болған Чехия мен былтырғы жылғы Әлем Чемпионы Канада құрамасы кездесіп, 3:2 есебімен үйеңкі жапырақты елдің өкілдері овертаймда жеңіске жетті.

Жастар арасындағы Әлем Чемпионаты - 2023. Канада

Чехия - Канада 2:3ОТ

Шайбалар:

13 мин. Дилан Гюнтер 0:1

25 мин. Шейн Райт 0:2

53 мин. Иржи Кулих 1:2

54 мин. Якуб Кос 2:2

67 мин. Дилан Гюнтер 2:3

Канада құрамасы Әлем Чемпионатындағы былтырғы жылғы нәтижесін қайталап, өз атағын қорғап қалды. Құрамында тәжірбиелі ҰХЛ (НХЛ) ойыншылары бар құрама әлем біріншілігінде 20-шы мәрте топ жарды. 

Чехия құрамасы болса, 2001 жылдан кейін алғаш рет финалға жолдама алып, 2005 жылдан кейін алғаш рет жүлдеге қол жеткізді. Әлем Чемпионатының қола жүлдесі үшін болған ойында АҚШ хоккейшілері Швеция құрамасын тартысты өткен ойында 8:7 есебімен жеңді. 

Сонымен қатар, Латвия құрамасы Австрияны жеңіп, элиталық дивизонда қалды. Келесі Әлем Чемпионатында Австрияның орнына Норвегия ойнайды.

2024 жылы Әлем Чемпионаты Гетеборг (Швеция) қаласында жоспарланған.